"Qarabağ"ın sabiq legioneri Dino Ndlovunun yeni klubu müəyyənləşib.
Sportinfo.az xəbər verir ki, ötən mövsümün ikinci yarısını "Boluspor"da keçirən 33 yaşlı hücumçu "Sakaryaspor"da çıxış edəcək.
Bu barədə 1-ci Liqa təmsilçisinin mətbuat xidməti məlumat yayıb. Cənubi afrikalı forvardla 2023/2024 mövsümünün sonuna kimi müqavilə imzalanıb.
Dino Ndlovu 2016-cı ilin avqust ayından 2018-ci ilin yanvarınadək "Qarabağ"da çıxış edib.
O, Ağdam təmsilçisinin heyətində 54 rəsmi matçda 19 qol vurub və 7 məhsuldar ötürmə edib.
Afrikalı “köhlən atlılar”ı 2017-ci ildə Çempionlar Liqasının qrup mərhələsinə daşıyan qolun müəllifidir.
Danimarkada “Kopenhagen”in qapısına yol tapan Dino sonrakı illərdə “Qarabağ”a dönmək istədiyini dəfələrlə etiraf edib.
