"Bursaspor"un baş məşqçisi Fatih Tekke Azərbaycan millisinin futbolçusu Namiq Ələskərovla xüsusi görüş gerçəkləşdirib.
Sportinfo.az xəbər verir ki, 44 yaşlı mütəxəssis yarımmüdafiəçinin son oyundakı çıxışından məmnun qalıb.
O, 26 yaşlı oyunçuya TFF 1-ci liqasının VI turunda "Tuzlaspor"la səfər matçında start heyətdə şans verəcəyini və bunun üçün hazır olmasını söyləyib.
Namiq Ələskərov V turda "Samsunspor"a 4:1 hesabı ilə qalib gəldikləri qarşılaşmanın ikinci hissəsində meydana daxil olub və iki məhsuldar ötürmə ilə yadda qalıb.
Sentyabrın 19-da keçiriləcək "Tuzlaspor" - "Bursaspor" görüşü Bakı vaxtı ilə 14:30-da başlayacaq.