"Barselona"nın futbolçusu Lionel Messi istedadını stolüstü tennisdə də göstərib.
Sportinfo.az xəbər verir ki, reklam çəkilişi zamanı argentinalı hücumçu su qabı üzərində dayanan pinq-ponq topunu dəqiq hədəf alıb.
Hərəkəti lazımınca yerinə yetirmək üçün ona 2 zərbə kifayət edib.
Bu mövsüm Lionel Messi "Barselona"nın heyətində La Liqada 24 oyuna 25 qol və 13 məhsuldar ötürmə müəllifi olub. Hazırda Kataloniya təmsilçisi 60 xalla liderdi.