"Açığı, bir neçə gündür ayağımda ağrılar var. Bu dəqiqə həkimdən gəlirəm.
Öncəki oyunlarda meydana çıxmamağımla bağlı bir söz deyə bilmərəm. Baş məşqçinin qərarıdır, hörmətlə yanaşıram”.
“Sumqayıt”ın kapitanı Vurğun Hüseynov Sportinfo.az-a açıqlamasında ehtiyatda qalması ilə bağlı danışarkən deyib.
Premyer Liqanın startından bu yana 6 tur geridə qalsa da, daim əsas heyət üzvü sayılan 33 yaşlı müdafiəçi rəsmi matçlarda 1 dəqiqə də olsun şans qazanmayıb.
Belədə ağla iki ehtimal gəlir: ya Hüseynov oynamağa hazır deyil, ya da baş məşqçi ilə aralarında hansısa problem yaşanır.
Vurğunun məsələyə münasibəti belə oldu: “Ayxan müəllimlə münasibətlərimiz qaydasındadır. Oynamağıma gəlincə, yəqin ki, baş məşqçi belə məsləhət görür.
Uşaq deyiləm ki, təcrübəli futbolçuyam. Oynadım, ya oynamadım – fərq etməz. Əsas odur komandanın yanındayam. Nə vaxt şans verilsə, çıxıb oynayacam. “Sumqayıt” uğur qazansın, mənim ehtiyatda qalmağımla heç nə olmaz”.