Premyer Liqanın 17-ci turu çərçivəsində sabah «Qəbələ»nin qonağı olacaq «Sumqayıt» bu gün eyniadlı rayona yola düşüb.
Amma öncədən nəzərdə tutulmuş plan əsasında yox.
Komanda qar üzündən səhər Sumqayıtda toplaşa bilməyib. Bakıda bir araya gələn futbolçular yalnız günorta saatlarında Qəbələyə doğru istiqamət alıb.
Düşərgədə 3 nəfər yer almayıb. Zədəsim sağalmayan Vurğun Hüseynov, Tellur Mütəllimov və Cabir Əmirli bölgəyə aparılmayıb.
«Qarabağ»la matçda sıradan çıxan Höccət Haqverdinin durumuna isə həkimlər qərar verəcək. Əgər iranlı müdafiəçi özünü yaxşı hiss etsə, Ayxan Abbasova ona heyətdə yer verəcək.
SPORTİNFO.AZ
