DÇ-2026-nın seçmə mərhələsində Azərbaycan millisi ilə üz-üzə gələcək İslandiya seçməsi artıq Bakıdadır.
Ada təmsilçisi işini ehtiyatlı tutaraq ölkəmizə oyundan 2 gün əvvəl gəlməyi vacib bilib.
Lakin azarkeşlərlə jurnalistlər qarşılaşmadan bir gün əvvəl gələcək.
Oyunu işıqlandırmaq üçün İslandiyadan 10 jurnalist akkreditasiyadan keçib.
Qonaq sektorda yerini tutacaq qonaq azarkeşlərin sayı da məlumdur. Qarşı tərəfdən AFFA-ya edilən müraciətdə 50 nəfər üçün yer istənilib. 5 aşağı, 5 yuxarı, təxminən bu civarda olacaqlar.
Noyabrın 13-də 8-ci km qəsəbə stadionunda keçiriləcək oyun saat 21:00-da başlayacaq.
HƏBİB / SPORTİNFO.AZ
