"Qarabağ"ın sabiq yarımmüdafiəçisi Tarik Elyunissi sportal.az-a açıqlama verib.
Sportinfo.az xəbər verir ki, norveçli veteran futbolçu Ağdam təmsilçisinin Çempionlar Liqasındakı uğurlu çıxışından danışıb.
Bununla yanaşı, o, ÇL-in 2-ci turunda "Kopenhagen"lə qarşılaşmasından gözləntilərini bildirib:
"Qarabağ"ın Çempionlar Liqasında əsas mərhələyə qələbə ilə başlaması həqiqətən yaxşı nəticədir. "Benfika" kimi komandanı məğlub etdilər.
Bu da komandada işin ən yaxşı şəkildə getməsinin göstəricidir. "Benfika" ilə görüşdə qeydə alınana qələbə effektiv və təsiredicidir.
Qarşıdakı turda "Kopenhagen"lə matçları var. Yaxşı oyun olacağı dəqiqdir. Düzünü deyim, səbirsizliklə o görüşü gözləyirəm.
Mənim üçün olduqca maraqlı matçdır. Ola bilsin ki, həmin oyuna görə Bakıya gəldim və stadiondan canlə izlədim".
Elyunissi “Fredrikstad”, “Herenven”, “Lillestrom”, “Rosenborq”, “Hoffenhaym”, “Olimpiakos”, AİK və “Şonan Bellmare” klublarında çıxış edib. O, 2017/2018 mövsümündə icarə əsasında “Qarabağ”ın formasını geyinib. Ə
Tarikin əmisioğlu Mohammed Elyunissi də "Kopenahagen"in aparıcı üzvüdür.
