"Renat Dadaşov klubun profilinə uyğun futbolçudur".
Sportinfo.az xəbər verir ki, bunu Polşa təmsilçisi "Motor"un idman direktoru Pavel Qolanski klubun mətbuat xidmətinə açıqlamasında deyib.
O, Azərbaycan millisinin üzvünün Lyublin kollektivi üçün uğurlu seçim olduğunu söyləyib:
"Dadaşov komandamızın oyun üslubuna uyğun gəlir. O, hava toplarında çox yaxşı mübarizə aparır və lazım gələndə müdafiəyə köməyə gəlir.
Renatın Avropa klublarında təcrübəsi var. Son 6 ayı uğurlu şəkildə "Radomyak"ın heyətində keçirib və çempionata bələddir".
26 yaşlı hücumçu "Motor" ilə 1 illik müqavilə imzalayıb.
