.jpg)
Azərbaycanda çıxış etmiş polşalı futbolçulardan olan Lukaş Sapela sportal.az-a açıqlama verib.
Sportinfo.az xəbər verir ki, 2012-2014-cü illərdə “Rəvan”ın qapısını qorumuş, hazırda isə Polşanın “Resoviya” klubunun məşqçisi olan Sapela “Qarabağ” – “Lex” görüşü (5:1) barədə danışıb:
"Çoxdandır ki, Polşa klubunun ifasında təsnifat mərhələlərində bu cür bərbad oyun görməmişdim. Fakt odur ki, Polşa çempionu Bakıda Azərbaycan çempionuna uduzdu.
Halbuki, matç "Lex" üçün əla başlamışdı. Kollektiv oyunla qollarını vurdular. Dəqiqələr keçdikcə, "Lex" hücumda heç nə edə bilmirdi, müdafiədə isə stabillik çatmırdı.
Nəticədə də uduzdular. "Qarabağ"ı aşkar qələbə münasibətilə təbrik edirəm və onların qrupa qədər irəliləməsini arzulayıram.
Unutmayın ki, “Qarabağ”ın Qurban Qurbanov kimi çox ağıllı və müdrik baş məşqçisi var. O, komanda üçün həyatını verib. Bu komanda çox gözəl futbol oynayır".
