Yaponiyanın Azərbaycandakı fövqəladə və səlahiyyətli səfiri Cuniçi Vada Milli Gimnastika Arenasında qonaq olub.
Azərbaycan Gimnastika Federasiyasından Sportinfo.az-a verilən məlumata görə, o, Bakıda keçiriləcək bədii gimnastika üzrə Dünya Kubokunda iştirak edəcək Yaponiya milli komandasının üzvləri ilə görüşüb, onlarla söhbət edib.
Görüşün sonunda səfir komanda ilə birgə xatirə şəkli çəkdirib.
Dünya Kuboku 22 - 24 apreldə təşkil olunacaq.
.jpg)
