“Azərbaycandan olan favorit hamını mat edir”

9 Yanvar 02:40 Şahmat 413
“Azərbaycandan olan favorit hamını mat edir”

Almaniya mətbuatı bu ölkənin Şvebiş-Qmyund şəhərində keçirilmiş "Staufer-Open" turnirinin qalibi olan Azərbaycan şahmatçısı Eltac Səfərlinin uğurundan yazıb.

Sportinfo.az xəbər verir ki, “schwaebische-post.de” saytında dərc edilən “Azərbaycandan olan favorit hamını mat edir” başlıqlı məqalədə 32 yaşlı qrosmeysterin inamlı çıxışı xüsusi vurğulanıb.

Səkkizinci turda ev sahibi Timo Kyuppersə qalib gələrək ilk pilləni vaxtından əvvəl təmin edən şahmatçının son oyunda yarışın ən yaxşılarından olan çexiyalı Pyotr Veliçkanı cəmi 29 gedişə məğlub etdiyi qeyd olunub.

Nəşrin yazdığına görə, 9 mümkün xaldan 8,5-ni toplayan E. Səfərli turnirin tarixində yeni rekorda imza atıb.

Geridə qalan 34 il ərzində heç bir peşəkar şahmatçı belə nəticə əldə etməyib.

Xəbər Lenti