Sportinfo.az “Sabah”ın və Azərbaycan millisinin hücumçusu Ramil Şeydayevin müsahibəsini təqdim edir:
– Karantin rejiminə əməl edirsənmi?
– Bütün günü evdə otururam. Məşq etməyə çalışıram. Təbii ki, bütün məşqləri etmək mümkün deyil. Evdə necə bacarıramsa, o qədər məşq edirəm.
– Bakıdasan, yoxsa Moskvada?
– Hazırda Bakıdayam.
– Futbol üçün çox darıxırsan? Evdə futbol oynayırsan?
– Əlbəttə ki, çox darıxıram. Lakin evdə futbol oynamıram. Çünki bu o qədər də vacib deyil.
– Hazırda dünyada bir neçə ölkə çempionatı davam edir. Misal üçün biri Belarus. İzləyirsənmi?
– Yox, Belarus çempionatına baxmıram.
– Ümumiyyətlə, bu boşluqda nə edirsən?
– Bir xeyli filmə baxmışam. Sonuncu izlədiyim film isə “Qatil cangüdən” olub.
– Müxtəlif ölkələrdə oynamısan. Virusa yoluxan dostlarından, oynadığın futbolçulardan varmı?
– Hələ ki, yoxdur.
– Çempionat bərpa olunmasa, buna üzüləcəksən?
– Təbii ki, hamımız futbolun yaşıl meydanlara qayıtmasını istəyirik. Amma hər şeyə hazır olmaq lazımdır. İstənilən vəziyyətlə barışmağa hazırlaşmalıyıq.
– Premyer Liqada qalan oyunlar oynanılmasa, “Qarabağ”ın çempion elan olunması ilə razılaşırsan?
– Bəli. Onların ikinci yerlə arasında fərq onsuz da çoxdur. Mən bunda problem görmürəm (futbolinfo.az).