AFFA İntizam Komitəsinin bugünkü iclasında Region Liqasında baş verən qayda pozuntuları ilə bağlı da qərarlar verilib.
Sportinfo.az xəbər verir ki, AFFA Region Liqasında keçirilməli olan "İstiqlal" - "Sabirabad" oyununda meydan sahibləri təyin edilən vaxtda meydanda olmadığına görə görüş baş tutmayıb.
Buna görə də "İstiqlal"a 0:3 hesablı texniki məğlubiyyət verilib. Bu hal ardıcıl 3-cü dəfə təkrarlandığı üçün "İstiqlal" komandası yarışdan kənarlaşdırılıb.

