II Liqanın yeni mövsümündə iştirakçı sayı artırılmayacaq.
Bu barədə AFFA-dan saytımıza bildirilib.
Redaksiyamıza verilən məlumata görə, ötən 2 ildə olduğu kimi, növbəti sezonda da burada 14 komanda mübarizə aparacaq.
II Liqanın 3 yarışmaçısı birbaşa I Liqaya vəsiqə qazandığından, onların yeri Region Liqasından gələnlərlə doldurulacaq. Belə ki, bu liqada ilk 3 pilləni tutanlar bir üst çempionatın sıralarına qəbul ediləcək.
Elə bu gün Region Liqasında yarımfinal mərhələsinin cavab oyunları keçiriləcək.
«Şirvan» evdə «Göyəzən»lə qarşılaşacaq. «Ağstafa Gəncləri» doğma rayonda «Xankəndi»ni qəbul edəcək.
SPORTİNFO.AZ
