“Qarabağ”ın qapıçısı Mateuş Koxalski karyerasını yenidən Polşada davam etdirməyə yaxındır.
Sportinfo.az xəbər verir ki, bu barədə sportowefakty.wp. pl saytı daxil olmaqla Polşanın bir neçə media qurumu jurnaıist Rafal Gikeviçə istinadən məlumat verib.
Məlumata görə, 26 yaşlı qolkiper Ekstraklasa təmsilçisi “Veçista”ya (Krakov) keçməyə yaxındır.
Hələlik mümkün transferin maliyyə şərtləri ilə bağlı konkret məlumat yoxdur.
Koxalski 2024-cü ildə “Stal”dan (Melets) “Qarabağ”a keçib.
Polşalı qapıçı daha əvvəl ölkəsinə qayıtmaq variantını nəzərdən keçirdiyini və “Vidzev”in onunla ciddi maraqlandığını da açıqlamışdı.
