"Qarabağ"ın Avropa Liqasının 2-ci təsnifat mərhələsində SSKA (Sofiya, Bolqarıstan) ilə keçirəcəyi oyunlara hakim təyinatları açıqlanıb.
Sportinfo.az UEFA-nın saytına istinadən xəbər verir ki, Bakıda oynanılacaq illk matç italiyalı hakimlərə tapşırılıb.
Referi Daniele Çiffiyə Ciovanni Baççini və Alessandro Lo Çiçero köməklik göstərəcəklər. Dördüncü hakim funksiyasını Daniele Perenzoni yerinə yetirəcək. VAR-a Valerio Marini, AVAR-a isə Federiko La Penna təyin edilib..
Sodiyadakı cavab görüşü belçikalı hakimlərə həvalə olunub. Bram Van Drişşeyə Mişel Seldreyers və İv De Neve kömək edəcək.
Dördüncü hakim funksiyasını Kevin Van Damme yerinə yetirəcək. VAR Bert Puta, AVAR isə Vesli De Kremerə tapşırılıb.
"Qarabağ"la SSKA arasında ilk oyun iyulun 23-də, cavab matçı iyulun 30-da keçiriləcək.
