Geridə qalan mövsümdə Premyer Liqada ikinci yeri tutan “Qarabağ”ın yay hazırlıq planı bəlli olub.
Sportinfo.az xəbər verir ki, komanda təlim-məşq toplanışına iyunun 10-da Bakıda start verəcək.
İlk mərhələ iyunun 21-dək davam edəcək.
“Köhlən atlar” iyunun 22-dən iyulun 2-dək isə Avstriyada toplanış keçəcək. Ölkə xaricindəki hazırlıq çərçivəsində azı üç yoxlama görüşü nəzərdə tutulub.
“Qarabağ” yeni mövsümdə Azərbaycanı UEFA Avropa Liqasında təmsil edəcək. Komanda mübarizəyə birinci təsnifat mərhələsindən başlayacaq.
