“Qarabağ” Mateuş Koxalskiyə görə son vaxtlar təklif almayıb.
Bu barədə klubdan saytımıza bildirilib.
Redaksiyamıza verilən məlumata görə, polşalı qapıçının düşərgəni tərk etməsi artıq gündəmdə yoxdur. 2024-cü ilin avqustundan burada olan polyakın özü də belə bir istəyi barədə rəhbərliyə heç nə söyləməyib.
Onun müqaviləsi 2027-ci ilin iyununda başa çatır. 2026-cı ilin iyulun 1-dən qüvvəyə minəcək kontrakt bəndi qapıçının başqa kluba transferini asanlaşdıra bilər.
Bu müddəa 1 ay ərzində aktiv olacaq və kiperin cəmi 2,5 milyon avro qarşılığında klubunu dəyişməsinə imkan verəcək.
Koxalski karyerası ərzində "Legiya", "Radomiak" və "Stal"da çıxış edib. O, Polşa millisinə də dəvət alır.
SPORTİNFO.AZ
