Hələ ki, iki cəbhədə mübarizə aparan “Qarabağ” oktyabrın 1-də növbəti ayda ilk oyuna çıxacaq.
4 gündən sonra növbəti oyun, 2 günlük aradan sonra başqa bir matç və beləcə Qurban Qurbanovun üzərinə böyük yük düşəcək.
Təsəvvür edin, Avropa Liqasının qrupunda və Premyer Liqada iştirak edən ağdamlılar oktyabrda - 31 günlük ayda nə az, nə çox, 8 oyun keçirəcək.
Təqvimə nəzər salaq:
1 oktyabr: “Qarabağ” – “Neftçi”
6 oktyabrı: “Olimpiakos” – “Qarabağ”
9 oktyabr: “Qəbələ” – “Qarabağ”
13 oktyabr: “Qarabağ” – “Olimpiakos”
16 oktyabr: “Qarabağ” – “Sumqayıt”
20 oktyabr: “Qarabağ” – “Turan Tovuz”
27 oktyabr: “Nant” – “Qarabağ”
30 oktyabr: “Şamaxı” – “Qarabağ”
Təqvimdən də göründüyü kimi, “köhlən atlar” okyabrdakı görüşlərini 3-4 gün aralığında keçirəcək. Və ən çətini, bu cür sıxlıqda komandanın Yunanıstanla Fransaya, ölkə daxilində isə Qəbələyə və Şamaxıya səfər etməsidir.
Qurban Qurbanovun bu cür durumda heyət bölgünüsü necə aparacağını, güc nisbətini necə böləcəyini, həmçinin futbolçuların yükün altından necə çıxacağını ayın sonunda görəcəyik.
Bir şey dəqiqdir ki, “Qarabağ” üçün çox çətin olacaq, çox.
HƏBİB