"Qarabağ" Filip Ozobiçlə danışıqları davam etdirir.
Bu barədə Sportinfo.az-a açıqlamasında "Qarabağ"ın mətbuat xidmətinin rəhbəri Gündüz Abbaszadə deyib.
Sitat: "Filip Ozobiçlə danışıqlarımız davam edir. O, hazırda komandamızla birlikdədir. İyunun 30-na kimi "Qarabağ"la müqaviləsi var. Ümid edirik ki, tezliklə yeni müqavilə imzalanacaq".
Xatırladaq ki, 30 yaşlı yarımmüdafiəçi 2018-ci ildən "Qarabağ"ın şərəfini qoruyur. O, son mövsüm 28 görüşdə meydana çıxıb və rəqib qapılarından 12 qol keçirməyi bacarıb. Ozobiç "Qarabağ"a kimi ölkəmizdə 2 il "Qəbələ"nin şərəfini qoruyub.
