Azərbaycan millisinin müdafiəçisi Zamiq Əliyev “Eqnatiya”ya (Albaniya) qoşulmaq üçün Bakıdan ayrılıb.
Sportinfo.az xəbər verir ki, bu barədə teleqraf-a 25 yaşlı futbolçu özü məlumat verib.
Millimizin üzvünün Səfərbərlik və Hərbi Xidmətə Çağırış üzrə Dövlət Xidməti tərəfindən ölkədən çıxışına qoyulan qadağa aradan qaldırılıb.
Əliyev ötən gecə saat 04:45-də Bakıdan İstanbula uçub. Hazırda Türkiyədə olan müdafiəçi bu gün Albaniyanın Rroqojine şəhərinə yollanacaq.
Z.Əliyev iyunun 8-də Albaniyaya getmək istəsə də, hava limanında ölkədən çıxışına icazə verilmədiyi üçün geri qaytarılmışdı.
Bu səbəbdən onun adı UEFA Çempionlar Liqasının I təsnifat mərhələsi üçün “Eqnatiya”nın iştirak ərizəsinə daxil edilməmişdi.
