Premyer Liqanın 15-ci turu bir neçə futbolçu üçün tamaşa meydanı olacaq.
Noyabrın 27-29-da keçiriləcək oyunları 4 futbolçu kənardan izləmək məcburiyyətindədir.
Cəzalılar “Zirə”dən Təmkin Xəlilzadə, “Qəbələ”dən Ruan Renato, "Sumqayıt"dan Vüsal İsgəndərli, “Neftçi”dən Kenni Sayefdir.
13-cü turda yol verdikləri nöqsana görə hərəsinə 5 oyunluq cəzalanan “Sumqayıt”ın baş məşqçisi Samir Abasovla “Şamaxı”nın qapıçılarla çalışan məşqçisi Anar Niftəliyev texniki zonada yer almaqdan məhrum olub.
Noyabrın 27-də “Neftçi” – “Səbail”i qəbul edəcək, 1 gün sonra “Şamaxı” – “Kəpəz”, “Qarabağ” – “Zirə” oyunları baş tutacaq. Noyabrın 29-da isə “Turan Tovuz” - “Sabah”, “Sumqayıt” – “Qəbələ” matçlarına şahidlik edəcəyik.
HƏBİB / SPORTİNFO.AZ
.jpg)
