“Qarabağ”ın Konfrans Liqasındakı rəqibi olan “Gent” ciddi itki ilə üzləşib.
Sportinfo.az xəbər verir ki, yarımmüdafiəçi Matis Samoyse zədələnib.
Belçika U-21 millisinin də üzvü olan 20 yaşlı orta sahə oyunçusu “Kortreyk”lə çempionat matçının 25-ci dəqiqəsində sıradan çıxıb.
“Qarabağ” pley-offunda “Gent”lə qarşılaşacaq. Tərəflər arasında ilk matç fevralın 16-da Bakıda, cavab oyunu isə 1 həftə sonra Gent şəhərində keçiriləcək.
Samoysenin bu qarşılaşmalarda forma geyinməsi sual altındadır. Həkim müayinəsi onun aldığı xəsarətin ciddi olmasını üzə çıxarıb.