Azərbaycan millisinin sabiq hücumçusu özünə klub tapa bilmir.
Söhbət vaxtilə Premyer Liqa komandalarının şərəfini qorumuş, yığmaların uğurları üçün tər tökmüş Ruslan Qurbanovdan gedir.
Son olaraq Belarus “Slaviya Mozır”ının sıralarında olmuş 30 yaşlı futbolçu oradan ayrıldıqdan sonra işsiz qalıb.
Maraqlıdır ki, Azərbaycan Premyer Liqasında komandaların sayı artmasına baxmayaraq, Qurbanovun xidmətinə gərək duyan yoxdur.
Səbəbkar Sportinfo.az-a açıqlamasında bunun səbəbini bilmədiyini söyləyib:
“Görünür, Azərbaycanda heç kimə lazım deyiləm. İndiyə qədər nə zəng edən olub, nə də maraqlanan. Komanda sayı artsa da, təklif gəlməyib. Təkliflərə və müzakirələrə açığam. Hazırda fərdi məşqlərlə kifayətlənirəm. İnşallah, yaxşı olar”.
Ruslan Qurbanov vaxtilə “Neftçi”, “Sumqayıt”, “Qəbələ”, “Səbail”, “Keşlə” (indiki “Şamaxı”), “Zirə” kimi komandaların formasını geyinib.
HƏBİB