AFFA İntizam Komitəsinin növbəti iclası keçirilib.
Sportinfo.az xəbər verir ki, iclasda Misli Premyer Liqasının 32-ci turunda baş verən qayda pozuntuları ilə bağlı qərarlar verilib.
“Şamaxı” – “Turan Tovuz” oyununda “Turan Tovuz”un 5 futbolçusu sarı vərəqə aldığı üçün 700 manat cərimə edilib.
“Sabah” – “Neftçi” oyununun 85-ci dəqiqəsində “Sabah”ın hücumçusu Coy Lens Mikels təcavüzkar davranışa (rəqibə topu aqressiv şəkildə atdığına) görə birbaşa qırmızı vərəqə aldığı üçün 1 oyun şərti olmaqla, 2 oyunluq cəzalandırılıb. Klub 3000 manat cərimə edilib. 6 ay sınaq müddəti təyin edilib.
“Sabah” – “Neftçi” oyununun 85-ci dəqiqəsində “Neftçi”nin yarımmüdafiəçisi Emil Səfərov ikinci sarıdan qırmızı vərəqə aldığı üçün 1 oyunluq cəzalandırılıb, komanda 500 manat cərimə edilib.
