Serbiyanın U-18 millisinin sabiq futbolçusu Filip Yoviç karyerasını Azərbaycanda davam etdirə bilər.
Sportinfo.az Serbiya mətbuatına istinadən xəbər verir ki, 25 yaşlı sol cinah müdafiəçisi Misli Premyer Liqasından təklif alıb.
Lakin onunla maraqlanan başqa klub da var. Belə ki, Qazaxıstandan “Jetısu” Yoviçi heyətinə qatmaq niyyətindədir.
Müdafiəçinin hətta “Jetısu”ya keçmək ehtimalı daha yüksək qiymətləndirilir. Hazırda azad agent statusu daşıyan Yoviç daha sərfəli təklif aldığı Qazaxıstan təmsilçisinə keçməyə müsbət yanaşır.
Son klubu “Sarayevo” olan Filip Yoviç ötən ay Bosniya və Herseqovina təmsilçisindən ayrılıb.
