Məlum olduğu kimi, Xankəndi şəhərində Birinci Liqanın ilk oyunu baş tutub.
“Xankəndi” burada “Karvan-Yevlax”ı qəbul edib.
Sportinfo.az xəbər verir ki, ev sahibi komanda matçdan əvvəl Xankəndidə gəzintiyə çıxıb.
Qarşılaşma isə qonaqların 2:0 hesablı qələbəsi ilə başa çatıb.
“Karvan-Yevlax”ın heyətində İbrahim Əliyev 67-ci dəqiqədə hesabı açıb. Obicon Onyeka isə 77-ci dəqiqədə fərqi iki topa çatdırıb.
Bu qələbədən sonra “Karvan-Yevlax” 16 xalla turnir cədvəlinin üçüncü pilləsində qərarlaşıb. Altı xalı olan “Xankəndi” isə səkkizinci yerdədir.
Qarşılaşmanı gənclər və idman naziri Fərid Qayıbov da stadiondan canlı izləyib.
