Premyer Liqanın 15-ci turu mövsümün ən məhsuldar üçüncü turu olub.
Sportinfo.az xəbər verir ki, baş tutan 6 oyunda ümumilikdə 20 qol qeydə alınıb.
Yalnız iki turda 20-dən çox qol qeydə alınıb. Mövsümün rekordu 8-ci turda vurulan 24 top olub. 10-cu turda isə komandalar ümumilikdə 22 dəfə fərqləniblər.
Turun 20 qolundan yalnız 6-sı yerli statusda çıxış edən futbolçuların aktivinə yazılıb. Bununla cari mövsüm yerlilərin vurduğu ümumi qol sayı 51-ə çatıb.
50-ci yerli qolunun müəllifi “İmişli” ilə səfər matçında “Karvan-Yevlax”a heç-heçə gətirən topa imza atan Vadim Abdullayev olub.
Çempionatımızda bu ana qədər legionerlərin vurduğu qol sayı isə 165-dir. Digər 4 top avtoqol kimi qeydə alınıb.
.jpg)
