Ukrayna millisinin hücumçusu Aleksey Qutsulyak uğrunda mübarizə getdikcə böyüyür.
Sportinfo.az yerli mətbuata istinadən xəbər verir ki, 27 yaşlı futbolçu daha bir klubun maraq dairəsinə düşüb.
Adı açıqlanmayan Azərbaycan klubu, həmçinin “Panatinaikos” (Yunanıstan) və “Seltik”lə (Şotlandiya) rəqabətə Türkiyə təmsilçisi “Başakşəhər” də qoşulub.
“Polesye”nin vingerinin qış fasiləsində ölkə xaricinə köçməsi gözlənilir. Superliqa klubu vaxt itirmədən qarşı tərəfə rəsmi təklif də göndərib.
Qutsulyakın durumunu həmçinin Qətər və Birləşmiş Ərəb Əmirlikləri komandaları da gündəmdə saxlayır.
Aleksey Qutsulyak cari mövsüm “Polesye”nin heyətində 16 oyunda 1 qol vurub, 2 məhsuldar ötürmə verib.
Klubu ilə müqaviləsi mövsümün sonuna qədər olan hücumçunun transfer dəyəri 3 milyon avro göstərilir.
