Premyer Liqanın XXXIII turuna bu gün bir oyunla start verilib.
Sportinfo.az xəbər verir ki, "Zirə" açılış matçında "Turan Tovuz"a qalib gəlməklə (1:0) gümüş medalları təmin edib.
Hesabı 48-ci dəqiqədə Salifu Suma açıb. 59-cu dəqiqədə Qismət Alıyev birbaşa qırmızı vərəqə ilə meydandan qovulsa da, "Zirə" qələbə hesabını sonadək qoruyub.
Avrokuboklara vəsiqəni əvvəlki turlarda təmin edən Rəşad Sadıqovun komandası xallarının sayını 67-yə çatdırıb. Tovuz təmsilçisi 49 xalla dördüncü pillədə qərarlaşıb.
XXXIII tura mayın 4-də yekun vurulacaq.
20:00. "Zirə" – "Turan Tovuz" 1:0
Qol: Salifu Suma, 48
Qırmızı vərəqə: Qismət Alıyev, 58 ("Zirə")
Hakimlər: Rəvan Həmzəzadə, Cəmil Quliyev, Namiq Hüseynov, Əli Əliyev.
VAR: Rəşad Əhmədov.
AVAR: Eyyub İbrahimov.
Hakim-inspektor: Munis Abdullayev.
AFFA nümayəndəsi: Rüfər Əmirov.
Zirə İdman Kompleksinin stadionu
