Premyer Liqada yeni mövsümə uğurlu start verən «Neftçi»də sevinc sevincə qarışıb.
Klub rəhbərliyi mükafatı artırmaqla məşqçi və futbolçuların motivasiyasını qaldırıb.
Belə ki, ikinci turda «Araz-Naxçıvan»ı qəbul edən «ağ-qaralar» 5:0 hesablı qələbə qazanıb. Qeydə alınan darmadağında əziyyəti keçən hər oyunçuya 2000 manat verilib.
Paytaxt təmsilçisi hazırda 6 xala malikdir və turnir cədvəlinin liderlər qrupunda yer alıb.
Yuri Vernidubun çalışdırdığı kollektiv ilk turda «Sumqayıt»ı üstələyib. Səfərdən 3:1 hesablı qalibiyyətlə dönən bakılılar hərəyə 1000 manat irəli düşüb.
Güman ki, bu məbləğ get-gedə artırılacaq. Hər halda yönətim səxavət kisəsinin ağzını geniş açıb və uğur üçün heç nəyi əsirgəmir.
SPORTİNFO.AZ
