“Neftçi” azarkeşlərinin üzü gülür.
Sevimli komandaları nəhayət ki, onların üzünü güldürməyi bacardı.
Həm inamlı oyun, həm də arzulanan nəticə ilə.
“Ağ-qaralar” səfər qarşılaşmasında “Araz-Naxçıvan”ın daşını daş üstə qoymayaraq 4:0 hesablı qələbəyə sevindi.
Oyun başa çatandan sonra ortaya çıxan suallardan biri son illər iddialarından uzaq düşən “Neftçi”nin Premyer Liqada sonuncu dəfə 4 top fərqi ilə nə vaxt qələbə qazanmasıydı.
Bu hadisə təxminən 2 il bundan əvvəl yaşanıb.
2023/24 mövsümünün 34-cü turunda “Kəpəz”I qəbul edən paytaxt təmsilçisi doğma meydanda 5:1-lik qalibiyyət əldə edib.
Bu, təxminən 21 ay əvvəl – 2024-cü ilin mayın 10-da yaşanıb.
4 top fərqli səfər qələbəsi də uzaq tarixə söykənir.
2022/23 mövsümünün 34-cü turunda, komandanı Laurentsiu Regekampf çalışdıranda, “ağ-qaralar” “Sumqayıt”ı 4:0 hesabı ilə məğlub etməyi bacarıb.
“Kapital Bank Arena”da 29-cu tur çərçivəsində gerçəkləşən duel 2023-cü ilin aprelin 8-nə təsadüf edib.
Yəni “Neftçi” sonuncu dəfə səfərdə 4 top fərqi ilə təxminən 3 il, dəqiq desək, 34 ay əvvəl qalib gəlmişdi.
HƏBİB / SPORTİNFO.AZ
