“Neftçi”nin yeni baş məşqçisi Lorentsiu Regekampf Mirabdulla Abbasovun xidmətindən imtina edib.
Bu haqda Sportinfo.az-a klubdan məlumat verilib.
Rumıniyalı çalışdırıcı ötən mövsümün gedişində Samir Abasov tərəfindən əvəzedici heyətə göndərilmiş hücumçunu əsas komandaya qaytarıb və bir neçə məşqdə onu yoxlayıb.
3 il öncə Azərbaycanın ən yaxşı futbolçusu seçilmiş Abbasovun performansı Regekampfın xoşuna gəlməyib və o, bu barədə rəhbərliyə raport təqdim edib.
Rəsmilər Mirabdulla ilə görüşərək, özünə yeni komanda tapmasını tapşırıb.
.jpg)
