"Neftçi" yeni transferi İvan Brkiçı təqdim edib.
Sportinfo.az xəbər verir ki, 27 yaşlı qapıçı ilə 1,5 illik müqavilə imzalanıb.
“Neftçi” Brkiçə qədər Azər Salahlı, Eddi İsrafilov və Gilyerme Patonu heyətinə qatıb.
Brkiç paytaxt təmsilçisinin tarixində uğurlu xorvatiyalı oyunçu kimi yadda qalmaq istədiyini deyib:
"Buraya gəlməmişdin əvvəl də "Neftçi" azarkeşlərindən çoxlu mesajlar alırdım. Bu, məni sevindirir. Bütün fanatlara təşəkkürümü bildirirəm.
Əlimdən gələnin ən yaxşısını edəcəm. İnanıram ki, karyeramın ən yaxşı dönəmi məhz burada keçəcək. Düşünürəm ki, sonda qalib gələn tərəf də biz olacağıq".
Brkiç "ağ-qaralar"ın "Qarabağ" ilə rəqabətindən xəbardar olduğunu vurğulayıb: "11 xallıq fərqi aradan qaldırmalıyıq. Sonda bu mübarizədə qalib gələ bilərik".
