“Havr”dan ayrılan Romen Bask "Neftçi" ilə müqavilə bağlamasının səbəbini açıqlayıb.
Sportinfo.az xəbər verir ki, fransalı yarımmüdafiəçi "ağ-qaralar"dan gələn təklifin onu düşünməyə vadar etdiyini bildirib:
"Bu barədə baş məşqçi Pol Le Quenlə danışdım. Onun mənimlə bağlı fikrini bilməliydim. Çünki sentyabrda ilk övladımız dünyaya gələcək.
Fransa klublarının necə çətin vəziyyətdə olduğunu bilirik. Hiss etdim ki, məni artıq komandada düşünmürlər.
Qeyri-müəyyənlik davam edirdi. Yeni mövsümdə klubsuz da qala bilərdim. Bütün bunlar ayrılıq qərarı verməyimə səbəb oldu".
