Çempionlar Liqasında 2-ci təsnifat mərhələsinin püşkü atılıb.
Sportinfo.az xəbər verir ki, ölkəmizi bu turnirdə təmsil edəcək “Neftçi”nin də mümkün rəqibi bəlli olub.
"Ağ-qaralar" birini təsnifat mərhələsində Gürcüstan təmsilçisi “Dinamo”nu (Tbilisi) keçsə, 2-ci raundda "Olimpiakos" ilə qarşılaşacaq. İlk oyun Yunanıstanda olacaq.
İkinci təsnifat mərhələsinin ilk oyunları 20-21 iyulda, cavab görüşləri 27-28 iyulda keçiriləcək.
Bakılıların baş məşqçisi Samir Abasov "Olimpiakos" barədə hələ düşünmədiklərini vurğulayıb:
"Bunlar tam fərqli rəqiblərdir. Aralarında yerlə-göy qədər fərq var. Gürcüstan futbolu bizə yaxındır.
Bəlkə də "Dinamo" ilə "Neftçi"ni eyni tərəziyə qoymaq olar. Hər ikisi öz ölkəsinin flaqmanıdır.
"Olimpiakos" isə tamam başqa səhifədir. Bu barədə I mərhələni keçəndən sonra danışarıq. Bəzi çətinliklərimiz olsa da, nikbinik. Əhval-ruhiyyə yaxşıdır".