“Tobol”dan ayrılan millimizin futbolçusu Emil Balayev Qazaxıstandan Bakıya qayıdıb.
Sportinfo.az xəbər verir ki, 25 yaşlı qapıçısı hazırda fərdi qaydada məşq edir.
E.Balayevin yaxın günlərdə yeni kluba keçəcəyi istisna deyil. O, dünən paytaxtdakı fitnes zallardan birində çəkdiyi şəkli sosial şəbəkədə paylaşıb.
Balayev “Tobol”dan ayrıldıqdan sonra azad agentdir. Bu isə transfer pəncərəsinin bağlı olduğu müddətdə belə ona istənilən klubla müqavilə bağlamağa hüquqi imkan verir.