Andorra ilə yoldaşlıq oyunu Azərbaycan millisinin bəzi futbolçuları üçün yaddaqalan olub.
Sportinfo.az xəbər verir ki, 4 oyunçu millidə debüt edib.
Belə ki, Enkampda baş tutan qarşılaşmaya start heyətində çıxan Eşqin Əhmədov, Murad Məmmədov, həmçinin ehtiyatdan mübarizəyə qoşulan Ağadadaş Salyanski və Nihad Əhmədzadə karyeralarında ilk dəfə A millidə çıxış ediblər.
Bununla milli tarixində bu formanı geyinən futbolçu sayı 300-ə çatıb. Eşqin Əhmədov 2-ci dəqiqədə hesabı açaraq, hətta siftəsini qolla “yuyub”.
Millimiz səfərdə Andorra üzərində 3:1 hesablı qələbə qazanıb.
