"Atalanta” azarkeşləri koronavirus pandemiyası səbəbiylə A Seriyasında mövsümün erkən dayandırılacağı halda, komandalarının çempion elan olunmasını istəyir.
Sportinfo.az xəbər verir ki, Berqamo təmsilçisinin bir azarkeşi “change.org” saytında bununla bağlı imza kampanyası başladıb.
Fanatlar, İtaliyada koronavirusdan ölənlərin çoxunun həm Lombardiya bölgəsindən olması səbəbindən, həm də “Atalanta”nın son iki mövsümdə sərgilədiyi oyuna görə çempionluğa layiq olduğunu iddia edirlər.
“Atalanta” hazırda A Seriyasında 4-cü sıradadır. Çempionatda mövsüm koronavirus pandemiyasına görə qeyri-müəyyən müddətə təxirə salınıb.
