.jpg)
"Barselona"nın prezidenti Xosep Mariya Bartomeu Lionel Messinin müqaviləsinin uzadılması məsələsinə toxunub. Sportinfo.az "Sky Sports"a istinadən xəbər verir ki, Kataloniya klubunun rəhbəri argentinalı futbolçunun daha 5 il komandada qalacağını deyib:
"Messi müqaviləni uzatmaqla bağlı qərarı özü vermək hüququna malikdir. O, klubdakı xidmətlərinə görə bu hüququ əldə edib. Messi əvvəlki kimi güclü və ambisyalıdırsa, o zaman bu addımı atacaq. Bir neçə həftə əvvəl demişdi ki, karyerasını "Barselona"da başa vurmaq istəyir. Son illər Messi bizim liderimizdir və mən şübhə etmirəm ki, o, daha 4-5 il klubda qalacaq.
Əminəm ki, argentinalı hücumçu karyerasını başa vurduqdan sonra da həyatının sonuna kimi "Barsa" ilə bağlı olacaq".
