“Real” ötən yay sabiq yarımmüdafiəçisi Luka Modriçlə müqavilənin müddətini uzatmaqdan imtina etmişdi.
Xorvatiyalı futbolçu azad agent kimi “Milan”a yollanaraq, 40 yaşında uğurlu mövsüm keçirir.
Sportinfo.az xarici KİV-ə istinadən xəbər verir ki, Madrid klubunda hazırda bu qərara görə peşmanlıq hissi var.
Klub daxilində hesab olunur ki, komanda Modriçin həm liderlik, həm də oyun keyfiyyətlərini ciddi şəkildə itirib. Rəhbərlik onun gedişini səhv addım kimi qiymətləndirir.
İndi isə “kral klubu” oxşar vəziyyətin müdafiəçi Dani Karvahalla təkrarlanmasından narahatdır. 34 yaşlı futbolçunun müqaviləsinin müddəti cari mövsümün sonunda başa çatacaq.
O, artıq əsas heyətin dəyişməz üzvü olmasa da, komanda daxilində, xüsusilə də, paltardəyişmə otağında mühüm rol oynamaqda davam edir.
