“Barselona”nın prezidenti Xuan Laportanın müşaviri Enrik Masip hakimlərin “Barselona”ya münasibəti ilə bağlı fikirlərini bölüşüb.
Sportinfo.az xarici KİV-ə istinadən xəbər verir ki, o, bunu söyləyib:
“Uşaqlıqdan məndə belə bir hiss var idi ki, həmişə “Barselona”ya nəsə olur və sən qurbana çevrilirsən.
Uduzanda, hakimdən şikayətlənəndə hamı deyir ki, uduzduğun üçün edirsən.
Düşünürəm ki, yaxşı olar ki, qalib gələndə də mənasız görünən şeyləri izah edə biləsən. Düzdür, digər komandalar da başqa üsullarla təzyiq göstərirlər.
“Barselona” bəzən digərlərindən daha yaxşı olmalıdır, çünki matçlarda həmişə gözlənilməz hadisələr olur.
Məsələn, Milanda “İnter”ə qarşı və ya “Real”a qarşı, kim hesabı 4:4 edə bilərdi? “Real”ın kral kuboku finalından əvvəl etdikləri, göstərdikləri təzyiq sonda onlara istədikləri nəticəni gətirdi.
“Barselona” etiraz edən komanda deyil, amma “Real”la matçda bu açıq-aşkar görünürdü və onların hakimə təzyiqi də çox açıq-aşkar görünürdü.
Üslub məsələsidir. Hətta Xavi, İnyesta, Messi dövründə də bu açıq-aşkar görünürdü. VAR, təzyiqlər səbəbindən, faydalı bir vasitə olmaqdan daha çox problemə çevrildi”.
.jpg)
