Son hadisələr fonunda “Barselona”nın Mark-Andre ter Ştegenin əsas qapıçı kimi yetərincə yaxşı olub-olmaması ilə bağlı şübhələri yaranıb.
Sportinfo.az xəbər verir ki, bu barədə “Diario AS” nəşri məlumat yayıb.
Kataloniyalıların bu qərarına almaniyalı qapıçının tez-tez zədələnməsi və bərpadan sonra oyunundakı inamsız çıxış təsir edib.
O, cari mövsümdə bütün turnirlərdə 8 oyun keçirib, 8 qol buraxıb və yalnız 1 dəfə qapısını toxunulmaz saxlaya bilib.
33 yaşlı futbolçunun “Barselona” ilə müqaviləsinin müddəti 2028-ci ilin yayına qədərdir.
.jpg)
