“Atletiko”nun baş məşqçisi Dieqo Simeone klubla müqaviləsini uzatmağa yaxındır.
Sportinfo.az xəbər verir ki, bu barədə “Cope” məlumat yayıb.
Məlumatda bildirilir ki, argentinalı çalışdırıcı Madrid klubu ilə daha 3 il müddətinə müqavilə imzalayacaq. Müqavilədə nəticələr uğursuz olarsa, tərəflərin əməkdaşlığa vaxtından əvvəl xitam verə biləcəyi barədə bənd olacaq.
Simeone 2011-ci ildən “Atletiko”ya rəhbərlik edir. Onun klubla hazırkı müqaviləsi 2024-cü ilin ortalarına qədərdir.
“Hindular” La Liqanın 10 turundan sonra turnir cədvəlində 3-cü yerdədir.
