“Real”ın yarımmüdafiəçisi Toni Kroos gələcək karyerası ilə bağlı planlarından danışıb.
Sportinfo.az xəbər verir ki, Kross “Real”la yeni müqavilə bağlayıb-bağlamayacağı haqda da danışıb.
Onun “kral klubu” ilə müqaviləsi 2023-cü ilin yayında başa çatır:
“Sonuncu dəfə müqaviləni yeniləyəndə qəsdən 2023-cü ili seçdim. Çünki həmin vaxt 33 yaşım tamam olacaq.
Ondan sonra nə edəcəyimi düşünmək üçün ən yaxşı vaxtdır. Sözün düzü, bu haqda xüsusi düşünmürəm. Klubla əla münasibətim var.
Karyeramı “Real”da bitirmək niyyətindəyəm. Ümid edirəm ki, bu, elə belə də olacaq. Baxaq görək bu hadisə nə vaxt baş verəcək, 2023-cü ildə, yoxsa bir neçə ildən sonra?”