"Atletik"in hücumçusu İnyaki Uilyams İspaniya Primerosunun tarixinə düşüb.
Sportinfo.az xəbər verir ki, çempionatın 8-ci turunda "Alaves"lə matça çıxan 27 yaşlı ispan bu görüşün iştirakçısı olmaqla, ardıcıl 203-cü matçına çıxmış olub.
Bu isə İspaniya çempionatında yeni rekorddu.
İnyakiyə qədər "Real Sosyedad"ın sabiq futbolçusu Xuan Antonio Larranaqa 202 matça çıxmışdı.
2014-cü ildən “Atletik”də oynayan İnyaki Bilbao təmsilçisində bütövlükdə 303 matça çıxan futbolçu, 69 qol vurub.