“Barselona”nın sabiq futbolçusu Aleksandr Qleb komandanın hazırkı durumu haqda danışıb.
Sportinfo.az xəbər verir ki, belaruslu keçmiş yarımmüdafiəçi "Barsa”nın çətin durumda olduğunu deyib.
O bildirib ki, indiki durumda komandaya Messi də kömək edə bilməzdi: “İndi nəsil dəyişməsi gedir. Belə məqamda Messi də nəyi isə dəyişə bilməzdi.
Əvvəllər “Barselona”da gənclərlə təcrübəlilərin vəhdəti vardı. Həmişə liderlər olurdu. Həmin futbolçular ya karyeralarını bitirdilər, ya da komandanı dəyişdilər.
Bundan sonra baş verəcəklər isə klubun transfer siyasətindən asılıdır. Hesab edirəm ki, keçid dövrü hələ iki mövsüm də çəkəcək”.
