Sloveniya millisinin və “Atletiko”nun qapıçısı Yan Oblak karyerasını İngiltərədə davam etdirə bilər.
Sportinfo.az “Todofichajes”-ə istinadən xəbər verir ki, “Mançester Siti” sloveniyalı qolkiperin transferində maraqlıdır və Oblakı komandanın braziliyalı qapıçısı Edersonun yerinə almağı düşünür.
“Atletiko” isə 32 yaşlı oyunçusunu 25-30 milyon avro qarşılığında satmağa razıdır. O, 2014-cü ildən Madrid komandasında çıxış edir və hazırda 2028-ci ilə qədər qüvvədə olan müqaviləyə sahibdir.
