Avropa Liqasının pley-off mərhələsində “Qarabağ”la qarşılaşacaq Sloveniya “Olimpiya”sının səfər proqramı müəyyənləşib.
Sportinfo.az xəbər verir ki, Lyublyana təmsilçisi bu gecə yola düşəcək.
Komandanı Bakıya gətirəcək təyyarənin saat 05:35-də Heydər Əliyev Beynəlxalq Hava Limanına enməsi planlaşdırılır. Sloveniya çempionu “Fairmont” hoteldə məskunlaşacaq.
Komandanı matçda dəstəkləmək üçün təxminən 15 azarkeşin gəlməsi gözlənilir.
Avqustun 31-də Tofiq Bəhramov adına Respublika stadionunda keçiriləcək cavab oyunu saat 20:00-da başlayacaq. “Qarabağ” səfərdə reallaşan ilk matçda 2:0 hesablı qələbə qazanıb.
