“Deyirlər ki, “DQR” “prezidenti” (qondarma - red.) Araik Arutyunyan Vladimir Putinə məktub yazıb. O, Qarabağ ermənilərinin düşdüyü ümidsiz vəziyyəti təsvir edib və kömək gözləyir”.
Bunu “Hayastan” müxalifət fraksiyasının üzvü Andranik Tevanyan öz feysbuk səhifəsində yazıb.
“Əgər Araik Arutyunyan Nikol Paşinyana məktub yazmasa və ondan Qarabağı Azərbaycanın bir hissəsi kimi tanıdığı üçün hesabat tələb etməsə, digər tələblərinin heç bir mənası yoxdur.
Məktub səhv ünvana göndərilib. Düşmən içəridədir. Belə bir şəraitdə kənar qüvvələrdən necə kömək gözləmək olar?” - deyə Tevanyan qeyd edib.
